LAMIAK

LAMIAK

Ur gardeneko urrunen dauden errekatako urloetan, emakumezko gorputza duten izakiak bizi dira. Lekuaren arabera, zangoak ahateen edo ahuntzen antzekoak dituzte. Lamiak dira, begirada bakar batekin eta duten edertasunarekin edozein gizonaren bihotza atrapa dezaketenak.

 

Kondaira

Behin batean, Isturitzeko lurraldeko Laminazulon bizi ziren lamia batzuk, Uriartetarren baserriko atea jo zuten, Martzela Urrunetxeakoaren zerbitzuak eskatzeko. Martzela han bizi zen ospe handiko emagina zen. Birritan pentsatu beharrik izan gabe, beharrezko tresnak biltzen zituen poltsa hartu zuen eta ezkutuko koba bateraino joan zen. Han bizi ziren lamiak, arrakastaz betez beren lana. Hurbileko erreka batean garbitu ziren, eta zer ordu zen ikusita, lamiek haiekin bazkaltzera gonbidatu zuten emagina, itzultzeko bideari ekin aurretik. Horrela, janari zaporetsuak eta garai hartarako oso ohikoak ez zirenak jan zituzten. Aitzitik, Martzelaren atentzioa erakarri zuen zerbait egon bazen, hori lamien ogi zuria izan zen. Zaporetsua zen, eta, horregatik, pusketa bat hartu zuen lamiak ohartu gabe. Pusketa hori poltsikoan gorde zuen etxera eramateko eta bere senitartekoei probatzen emateko. Otordua amaituta, bideari ekin zioten, hori bai, aurretik, lamiek, esker modura, urrezko goru eta txaratila bat eman zizkioten. Aitzitik, Martzelak altxatzeko keinua egin zuenean, ezinezkoa zela ikusi zuen.

– “Zurea ez den zerbait hartu duzulako da hori”-, erantzun zuen lamietako batek.

Eta emagin gazteak, lotsaturik, aitortu egin zuen ogi zati bat gorde zuela. Ogi zati hori berehala itzuli zuen. Orduan posible izan zuen altxa eta bideari ekitea. Lamiek lagundu egin zioten bidearen zati batean, zonaldea ezagun bihurtu zitzaion arte. Han agurtu ziren, eta une horretan lamiek emaginari eskatu zioten bidean atzera ez begiratzeko, haien bizitokia sekretupean mantentze aldera. Eta, hain zuzen ere, horixe onartu zuen Martzelak, baserriaren atarian egon zen arte. Han, oin bat etxearen ateburua zeharkatzen zuelarik, burua biratu zuen, hori egitearekin lamiek eskatutakoa urratzen zebilela ohartu gabe. Une horretan bertan haren aberastasunak erdira murriztu ziren, gorua egurrezkoa bihurtu zelako. Hori bai, txaratilak urrezkoa izaten jarraitu zuen.

 

Aritza Bergara Alustizak idatzitako testua

ANTOLATU ZURE BIDAIA

BERRIAK

Goi erdi-aroko arkeologia aztarnak

2008.urtean aparkalekuaren birmoldaketa egin zenean, Bizkaia mailan oso interesgarriak diren goi erdi-aroko arkeologia aztarnak aurkitu ziren. Ikerketa arkeologikoak VII eta XVIII. mendeen artean etengabeko okupazioa dokumentatu zuen. ¿Zer aurkitu zen? Ikerketak fase ezberdinetan eta kronologikoki gainjarritako nekropolia argitara atera zuen. Esan bezala, hobiratze hauek faseetan sailkatzen dira: 6. fasea, X eta XI. mendeen artean: Harrian egindako hobiratze … Jarraitu irakurtzen

Irakurri Gehiago

Larraganenako Estela

Gorlizko erdialdean dagoen Larraganena baserrian disko-formako hilarri bat aurkitu zen, gaur arte ezezaguna. Hilarria erdi lurperatuta zegoen jabetza horretako lorategian, eta bizilagunek antzinako eguzki-erlojutzat hartu zuten. Materiala eta kontserbazio-egoera Landutako materiala gris koloreko hareharria da. Haren neurriak 92 cm-ko diametroa eta 21,5 cm-ko lodiera dira. Kontserbazio egoera nahiko ona du, apaindura garbi ikusten da aurrealdean, … Jarraitu irakurtzen

Irakurri Gehiago

15 haur.ibilbidea: Gorlizen inguruko pasealeku bat familia osoarentzat edo zabuen ibilbidea

15.haur ibilbidea Pedro Pablo Uriartek argitaratutako ibilbidea: “15 ibilbide zirkular Gorlizetik haurrak dituzten familientzat” Ikusi ibilbidearen mapa Wikiloc-en IBILBIDEAREN FITXA: Iraupena: 3 ordu eta 16 minutuDistantzia: 7,49 kmMetatutako desnibel positiboa :  123 mZailtsuna: Erreza  Ibilbide hori, egia esan, paseo bat da, eta Gorlizko hirigunearen inguruko zenbait bide hartzen ditu, jende gutxi erabiltzen dituen eremu batzuk ezagutarazteko. Ibilaldian, … Jarraitu irakurtzen

Irakurri Gehiago

14.haur ibilbidea: Andrakarako ibilbidea Saratxagan barrena, Plentziako itsasadarrera jaitsi eta Gandiatik itzuliz

14.Haur ibilbidea Pedro Pablo Uriartek argitaratutako ibilbidea: “15 ibilbide zirkular Gorlizetik haurrak dituzten familientzat” Ikusi ibilbidearen mapa Wikiloc-en   IBILBIDEAREN FITXA Iraupena: 2 ordu eta 37 minutuDistantzia: 6,38 kmMetatutako denible metatua: 174 mZailtasuna: Erreza Gaur oso egun lainotsua da eta euria egin du gaur gauean. Beraz, ziurrenik lokatza aurkituko dut ibilbide berri honen zatiren batean, eta Gorlizko 15 ibilbideen … Jarraitu irakurtzen

Irakurri Gehiago

© 2023 Gorlizko Udala | Legezko oharra I Lege oharra – Pribatutasun politika I Cookien politika