SORGINAK

SORGINAK

Inoiz sorginei buruz zerbait entzun al duzue? Atso zimurtu eta gaiztoak zirela diogute. Deabruarekin paktuak egiten zituztela, naturaz gaindiko indarrak zituztela eta itxura aldatzeko gai zirela, beleak, katu beltzak edo sineskorrak erakartzeko emakume ederrak antzeratzeko gai zirela. Beste batzuek, ordez, belar-biltzaileak baino ez zirela esaten dute, sendatzeko natur sendagaiak erabiltzen zituztela, haurgintzan laguntzen zutela eta tradizioak zein belaunaldiz belaunaldi pasatutako jakintzak mantentzen zituztela.

Txerrena, merrena, Kin, kuan Portan zela, portan hil.

 

Kondaira

Behin batean, aspaldiko 1792a aldera, Kemen izeneko mandazain bat etxera zihoan lanak amaitu ondoren. Bidea laburtzeko asmotan, Trebiñoko mendiak zeharkatzea otu zitzaion. Aitzitik, galdu egin zen, eta, zoritxar handienarekin, gauak burua estali zion oraindik basoaren erdian zegoela. Hori dela eta, bere gauzak eramateko berekin zeraman astoa pago gazte batera lotu zuen. Halaber, bera, basurdeen eta beste animalia arraro batzuen erasoa saihesteko, pago handiago batera igo zen, erosotasuna bilatuz adar zabaletan. Toki egokiena ez bazen ere, babesean lo egin nahi zuen. Hain nekatuta zegoen, ez zela denbora asko igaro ametsetan murgildu arte.

Pare bat ordu beranduago, ahots batzuek esnarazi egin zuten. Belarria adi jarri eta egiaztatu zuen pertsona ugariko taldea zela, eta mandazaina harritu egin zen ordu desegokiak kontuan hartuta. Bere ingurura begira jarri zen, eta berehala topatu zuen aztoramendu handiz dantza eta barre egiten zuten adin guztietako emakumeen talde bat. Sorginak!, ondorioztatu zuen berehala, eta aldi berean beldurra bere erraietaraino sartu zitzaion.

Hortik pixka batera dantza egiteari utzi zioten, eta emakume gazteetako batek zera galdetu zuen:

-Zuetako norbaitek ba al daki zer gertatzen zaion Perlandari, Markesaren alabari?

Eta agureenak, gainerakoek Maripetralin deitzen zutena, zera erantzun zion:

-Erremedioa bila dezakete, baina ez dute inoiz topatuko-. Eta beretzat barre egin zuen jarraitu aurretik: -Igandean, mezetan, ostia zati bat erori zitzaion eta ehortze-tokiko lauzaren azpian dagoen zirrikitutik ihes egin. Han zegoen zapo batek jan egin nahi izan zuen, baina kontrako eztarritik joan zitzaion. Zapoari ostia zati hori kenduz, ermitaren atzean dagoen iturrian garbituz eta ondoren janez bakarrik lortu du Perlandak osatzea.

Eta dantzaldiek jarraitu egin zuten, urrunean oilar batek abestu zuen arte eta sorginak desagertu egin ziren. Mandazaina pagotik jaitsi zen, eta markesaren etxerako bidea hartu zuen azkar. Hari gertatutakoaren berri eman zion. Azkar batean abiatu ziren markesaren gizonak ermitara eta, hain zuzen ere, adierazitako lauzaren azpian topatu zuten zapoa. Kemenek emandako oharrak jarraitu zituzten, eta Perlandari jada garbi zegoen ostia eman ziotenean, hark berehala berreskuratu zuen osasuna. Ondorioz, mandazainak ordain eskuzabala jaso zuen, eta ez zuen inolako estutasunik jasan behar izan bere bizitza luze guztian.

 

Aritza Bergara Alustizak idatzitako testua

ANTOLATU ZURE BIDAIA

BERRIAK

Goi erdi-aroko arkeologia aztarnak

2008.urtean aparkalekuaren birmoldaketa egin zenean, Bizkaia mailan oso interesgarriak diren goi erdi-aroko arkeologia aztarnak aurkitu ziren. Ikerketa arkeologikoak VII eta XVIII. mendeen artean etengabeko okupazioa dokumentatu zuen. ¿Zer aurkitu zen? Ikerketak fase ezberdinetan eta kronologikoki gainjarritako nekropolia argitara atera zuen. Esan bezala, hobiratze hauek faseetan sailkatzen dira: 6. fasea, X eta XI. mendeen artean: Harrian egindako hobiratze … Jarraitu irakurtzen

Irakurri Gehiago

Larraganenako Estela

Gorlizko erdialdean dagoen Larraganena baserrian disko-formako hilarri bat aurkitu zen, gaur arte ezezaguna. Hilarria erdi lurperatuta zegoen jabetza horretako lorategian, eta bizilagunek antzinako eguzki-erlojutzat hartu zuten. Materiala eta kontserbazio-egoera Landutako materiala gris koloreko hareharria da. Haren neurriak 92 cm-ko diametroa eta 21,5 cm-ko lodiera dira. Kontserbazio egoera nahiko ona du, apaindura garbi ikusten da aurrealdean, … Jarraitu irakurtzen

Irakurri Gehiago

15 haur.ibilbidea: Gorlizen inguruko pasealeku bat familia osoarentzat edo zabuen ibilbidea

15.haur ibilbidea Pedro Pablo Uriartek argitaratutako ibilbidea: “15 ibilbide zirkular Gorlizetik haurrak dituzten familientzat” Ikusi ibilbidearen mapa Wikiloc-en IBILBIDEAREN FITXA: Iraupena: 3 ordu eta 16 minutuDistantzia: 7,49 kmMetatutako desnibel positiboa :  123 mZailtsuna: Erreza  Ibilbide hori, egia esan, paseo bat da, eta Gorlizko hirigunearen inguruko zenbait bide hartzen ditu, jende gutxi erabiltzen dituen eremu batzuk ezagutarazteko. Ibilaldian, … Jarraitu irakurtzen

Irakurri Gehiago

14.haur ibilbidea: Andrakarako ibilbidea Saratxagan barrena, Plentziako itsasadarrera jaitsi eta Gandiatik itzuliz

14.Haur ibilbidea Pedro Pablo Uriartek argitaratutako ibilbidea: “15 ibilbide zirkular Gorlizetik haurrak dituzten familientzat” Ikusi ibilbidearen mapa Wikiloc-en   IBILBIDEAREN FITXA Iraupena: 2 ordu eta 37 minutuDistantzia: 6,38 kmMetatutako denible metatua: 174 mZailtasuna: Erreza Gaur oso egun lainotsua da eta euria egin du gaur gauean. Beraz, ziurrenik lokatza aurkituko dut ibilbide berri honen zatiren batean, eta Gorlizko 15 ibilbideen … Jarraitu irakurtzen

Irakurri Gehiago

© 2023 Gorlizko Udala | Legezko oharra I Lege oharra – Pribatutasun politika I Cookien politika