Bilbo, euskal unibertso kulturaleko sarbidea da, bere Guggenheim museoa nazioarteko ikur gisa izanik.
Itsasadarrak egituratutako hiria, arkitekto handien erakusleihoa – Norman Foster, Santiago Calatrava, Frank Ghery edo Arata Isozaki, besteak beste- da. Horien eraikuntza modernoek hiriaren alde zaharra, hiribilduaren bihotza diren 7 kaleak, inguratzen duten eraikuntza historikoekin uztartzen dira.
Bilbo zaharra
Bilbo bisitatzen duten petsona guztiek oso hiri kosmopolita dela esaten dute. Seguruenik, Bilbo nahasketen hiri bat delako gertatzen da hori. Itsasadarreko pasealekuari jarraitzea besterik ez dago berritasuna eta antzinatasuna zein orekatuta dauden konturatzeko.
Toki zaharrena eta garrantzi historiko handia duen alderdia alde zaharreko 7 kaleen inguruan eraiki dena da. Hasieran, 7 kale hauek, Bilboren erdigunea osatzen zuten eta geroago, biztanleriak gora egin zuenez gero, kaleak gehitzen hasi ziren.
Alde zaharraren erdigunean Santiagoko Katedrala aurkitzen da. XIV. mendeko azken hamarkadan eta XV. mendearen bitartean eraiki zen. UNESCOren Gizateriaren Ondare izendatua. Katedralaren ondoan eta San Anton Eliza eta izen bereko zubiko norabidea hartuta, Erriberako merkatua aurkitzen da. 1990ean Europa osoko merkatu estalirik handiena izendatu zuten. 1928 eta 1929urte bitartean eraiki zuten. Barruan era guztietako produktu freskoak eta gastrobarrak dituzten postu ugari daude, atseden hartzeko eta zerbait hartzeko.
Bilboko erdigunerantz doan itsasadarraren bideari jarraituz, Arriaga antzokira iritsiko gara. Arkitektura neobarrokarraren bitxi hau 1890ean inauguratu zen. 1983ko uholdeak gehien jasan zituen eraikinetako bat izan zen Bilbon, eta zaharberritu egin behar izan zuten. Plaza Berritik pauso gutxira dago eraikina, Bilbon bizimodua nolakoa den ikusi eta pintxoak dastatu ahal izateko leku interesgarria.
Bilbo berria
Alde zaharrarekin alderatuz, Bilbok eraikuntza modernoak eta erakargarritasun turistiko handikoak ditu. Udaletxetik gertu, Calatrava edo Zubizuriko zubia dago. Zubiak Udaletxea dagoen itsasadarraren eta Kale Nagusiaren arteko lotura egiten du, eta bertan daude Isozaki dorreak, Arata Isozakik eginak. Gainera, zati honek, besteak beste, Frank Gehry arkitektoak diseinatutako Guggenheim museoa ere badu, Bizkaiko hiriburuko erakargarritasunik handienetakoa.
Hala ere, Bilbon eraikin abangoardista guztiak ez dira hain monumentu nabarmenak. Kategoria honen barruan Norman Fosterrek diseinatutako metro ahoak daude, “Fosteritos” ere deituak.
Hau guztia Bilbon ikusteko dagoenaren laburpena baino ez da. Hurbil zaitez eta arakatuezazu hiria!
Distantzia: 28km /32 minutu kotxez
* Imágenes cedidas por la Oficina de Turismo de Bilbao.
