2006.urtean hasi zen Gorlizen egun hau ospatzen. Nahiz eta Dantzari Txiki Eguna berria izan, lurraldearen Euskal dantzak ezagutzeko aproposena da. Jai honetan, Gorlizko haur elkarteek parte hartzen dute, txistu eta danbolinarekin lagunduta, Euskal dantza tradizionalen erakusketa zabala eginez.
Egun honetarako programazioa
Eguna herriko taldeen kontzentrazioarekin hasten da. Gero, kalejira bat egiten da eta jarraian herri bazkaria. Behin bazkaria amaituta, urtero aldatzen den emanaldi edo jarduera bat ikusten da, kale-antzerkia esaterako. Amaitzeko jaien erakusketa klasikoa egiten da.
Euskal Dantzak
Euskal dantzak, kantekin batera Euskal folkloreko parte oso garrantzitsua dira. Dantza hauetariko batzuk ehunka urtez mantendu dira, beste batzuk ordea, desagertu dira, denboraren poderioz. Garai frankistan, errepresio aldia egon zen Euskal kulturarekiko, eta nahiz eta desagertzeko arriskuan egon, dantza hauek transmititu eta bizirik mantendu zituen jendeari esker kontserbatu ahal izan dira. Tradizionalki, gizonek dantza hauek egiten zituzten. Hala eta guztiz ere, gertaera hau eboluzionatzen joan da eta gaur egun emakume gehiago daude praktikatzen dutenak, gizonak baino.
Estatuko eta nazioarteko dantzarik ezagunena, beharbada, Aurreskua da. Dantza hau erreberentzia bezala erabiltzen da eta horregatik ezkontzetarako, zeremonietarako, hiletetarako eta ekitaldi publikoetarako oso egokia da. Dantza hau zehazki, txistu baten soinua eta danbor baten soinuarekin batera doa.
Baina Euskal dantzen berezitasuna ez da hor amaitzen. Hanketako eta oinetako etengabeko mugimenduagatik bereizten da, besoetako edo ezpata, arku edo makila bezalako elementuen mugimenduekin lagunduta dantzaren arabera eta ia ez dago aldaka mugimendurik. Dantza hauek egiteko, baserritarren jantziak erabiltzen dira. Jantzi hauek udalerriaren arabera, desberdinak dira nahiz eta orokorrean, eskema berdina jarraitu.
