Nordic Walking Ibilbideak
Nordic Walking
Nordic Walkinga hanken zein gorputzaren goiko partea gozo mugiarazten du, muskuluen indarra ala nola sistema kardiobaskular, koordinazioa eta mugikortasuna hobetuz.
Makil bereziei esker, mugimendu gozo eta eraginkorrarekin ibili zaitez, ariketa atseginez disfrutatuz.
Jaso itzazu zure makilak doaneko maileguan Gorlizko Turismo Bulegoan eta ederki pasatu udalerriko 5 ibilbideetan.
ASTONDO IBILBIDEA
Ibilbidea: 2,6 km, Iraupena: 0:40 h, Desnibela: 38 m., Maila: Erraza
Gorlizko herriguneko itsas pasealekutik eta badiatik pasatzen den joan etorriko ibilbide atsegina eta oso erraza da. Herriko aterpetik abiatuta, paseoa hartuko dugu iparraldeko norabidea jarraituta morrura ailegatu arte, eta bertatik, itzultzeko ibilbidea hasiko dugu hasierako puntura bueltatu arte.
GORLIZ IBIBILBIDEA
Ibilbidea: 6,4 km, Iraupena: 1:40 h, Desnibela: 118 m. Maila: Erraza
Gorlizko hirigune historikoa ezagutzera eramaten digun ibilbide zirkularra da hau. Honez gain, Elexalde zonaldean dagoen Sortzez Garbiaren elizara hurbilduko gara, X. eta XI. Mendeen hasieran eraiki zen tenplua da, eta XVIII. Mendean berreraiki zuten Martin de Uribeondo arkitektoaren zuzendaritzapean. Duela gutxi aztarnategi bat aurkitu zen, Bizkaiko VIII-IX mendeetako goi erdi Aroko lehen populatze dokumentatua izanik. Bestalde, ibilbide honekin Agirre Andra Mariren baseliza ezagutuko dugu, Andra Mari auzoan aurkitzen da, eta Butroeko leinu etxeko lehenengo eliz monasteriala izan zen, XI. Mendekoa.
BILLAO LURMUTURRA IBILBIDEA
Ibilbidea: 6,1 km, Iraupena: 1:40 h, Desnibela: 287 m., Maila: Zaila
Astondo eta Billao lurmuturraren arteko esparruak gurutzatzen dituen ibilbide interesgarria eta erraza. Itsasargia 165 metroko altitudean dago, eta bere oinarritik, begiratoki bezala hartuta, Billao irla ikus daiteke. 1990ean inauguratu zen, eta beraz, Iberiar Penintsulako itsasargi modernoetariko bat da. Bere funtzionamendua guztiz automatizatua dago, eta bere argi-sorta Kantabriarra 29 milatara barneratzen da. Gorlizko itsasargiaren altuera 21 metrokoa da.
KOSTA IBILBIDEA
Ibilbidea: 3,3 km, Iraupena: 0:55 h, Desnibela: 200 m Maila: Zaila
Bide-zoru ona daukaten bide eta pabimentatu tarteen eta malkartsuak diren beste bide tarteen arteko konbinazio bezala aurkezten da ibilbide zail hau. Aremune informazio panelaren ondoan, bideak gora egiten du, eskailera batzuetatik, kostaldetik igarotzen dena. Bidea jarraitzen dugu eta jaisten hasiko gara, non Askorriaga gotorlekuaren aztarnak ikusiko ditugun. Herriak “Gaztelutxo” izenaz ezagutzen duen gotorleku hau, XVIII. mendean eraiki zen. Hemetik, aldapa labur bat igo behar da, Larraganeraino ailegatu arte. Bertan, itzulera hasiko dugu, mendi-bide eroso batetik.
ERMUA IBILBIDEA
Ibilbidea: 6,2 km, Iraupena: 1:45 h, Desnibela: 291 m., Maila: Oso zaila
Kostaldeko barrualdea ezagutzera eta Ermuako gandor talaiara eramaten gaitu oso zaila eta interesgarria den martxa nordikoko ibilbide honek. Ibilbide eder honen igoera informazio paneletik hasiko da, eta hirigune historikotik metro batzuk ibili ondoren, laster Untxuetako bizkarrean murgilduko gaitu. Ibilbidea, gorantz jarraitzen du Fao aurkintzaraino, eta bertan zakarki biratuko dugu Ermuako gailurraren bila joateko. Bertan, Kantauri itsasoko sekulako ikuspegiarekin gozatuko dugu. Jaitsiera, lehenengo metrotan oso aldapatsua izanda, Faoaurre izeneko lekurantz jarraituko du, eta Urezarantza auzoan bukatuko da. Ibilbidearen bukaera puntura ailegatzeko azkeneko metroak oso lauak dira, eta Artatza auzotik igaroko dira.
ANTOLATU ZURE BIDAIA
BERRIAK
KOLESTEROLAREN IBILBIDEAK
Gorlizen harro egoteko moduko zerbait badago, gure inguruko natura zoragarria da. Horregatik, kirolaz eta inguruan ditugun paisaiez gozatzeko ibilbide ugari ditugu. Badakigu ibilbide ezagunenak seinaleztatuta daudela, baina badira beste ibilbide…
Goi erdi-aroko arkeologia aztarnak
2008.urtean aparkalekuaren birmoldaketa egin zenean, Bizkaia mailan oso interesgarriak diren goi erdi-aroko arkeologia aztarnak aurkitu ziren. Ikerketa arkeologikoak VII eta XVIII. mendeen artean etengabeko okupazioa dokumentatu zuen. ¿Zer aurkitu zen?…
Larraganenako Estela
Gorlizko erdialdean dagoen Larraganena baserrian disko-formako hilarri bat aurkitu zen, gaur arte ezezaguna. Hilarria erdi lurperatuta zegoen jabetza horretako lorategian, eta bizilagunek antzinako eguzki-erlojutzat hartu zuten. Materiala eta kontserbazio-egoera Landutako…
15. Haur ibilbidea: Gorlizen inguruko pasealeku bat familia osoarentzat edo zabuen ibilbidea
15. Haur ibilbidea Pedro Pablo Uriartek argitaratutako ibilbidea: “15 ibilbide zirkular Gorlizetik haurrak dituzten familientzat” Ikusi ibilbidearen mapa Wikiloc-en IBILBIDEAREN FITXA: Iraupena: 3 ordu eta 16 minutuDistantzia: 7,49 kmMetatutako desnibel positiboa…
14. Haur ibilbidea: Andrakarako ibilbidea Saratxagan barrena, Plentziako itsasadarrera jaitsi eta Gandiatik itzuliz
14. Haur ibilbidea Pedro Pablo Uriartek argitaratutako ibilbidea: “15 ibilbide zirkular Gorlizetik haurrak dituzten familientzat” Ikusi ibilbidearen mapa Wikiloc-en IBILBIDEAREN FITXA Iraupena: 2 ordu eta 37 minutuDistantzia: 6,38 kmMetatutako denible metatua: 174 mZailtasuna:…
13. Haur ibilbidea: Ibilaldi dibertigarria Zabalen, Botola bidean eta Saratxagan.
13. Haur ibilbidea Pedro Pablo Uriartek argitaratutako ibilbidea: “15 ibilbide zirkular Gorlizetik haurrak dituzten familientzat” Ikusi ibilbidearen mapa Wikiloc-en FICHA DE LA RUTA: Iraupena: 2 ordu eta 10 minutuDistantzia: 10,09 kmMetatutako…
Informazio gehiago 13. Haur ibilbidea: Ibilaldi dibertigarria Zabalen, Botola bidean eta Saratxagan.