AKELARRE eta AKERBELTZ


AKELARRE

Eguzkia ezkutatu eta gero, paseatzen duzuen bitartean, ez al duzue urrutiko ahotsak, barreak eta kantikak entzun? Ez du ematen leku guztietatik zein inondik ere ez sortzen direnik? Ziur asko Akelarreren bat izango da, ospakizun zaharra, sorginak, haizeetatik hegan, sakonetik datorren deabruarekin biltzera omen datoz.

Ongi etorri Akelarrera, maltzurraren zerbitzariok

AKERBELTZ

Inoiz ausartu al zarete, izarrak gure buruaren gaineko-aldean daudenean mendietara joaten eta etxebizitza modernoen segurtasuna atzean uzten? Ezetz suposatzen dut baina hala izan bada, ez nuke zalantzan jarriko, Akerbeltz berak zuzendutako anitz akelarre ikusi dituzuela esaten baduzue. Astelehenak, asteazkenak eta ostiralak dira lurraldearen zehar ospatzeko egunik onenak.

Gure toki sakratuak, gure usadioak, gure ohiturak zikintzen dutenak, mantendu zaitezte urrun!

Agurtu Akerbeltzaren bidetik kentzen ez den gizajoa! Ez eskatu barkamenik zuen denbora bukatu ostean!

KONDAIRA

Mitologiari sorginkeria uztartzen diogunean, bada berezko ahotsarekin sortzen den elementu bat: Akerbeltz, aker beltza. Haren gainean hainbat gauza esan da: sorgin eta aztien Akelarre izeneko bileretan nagusi izan ohi zela, bertaratutakoen eskutik edozein motatako eskaintzak jasotzen zituela, jainko baten pare gurtzen zutela eta akelarreko gau ezagun haietan emakumeekin nahiz gizonekin kopulatu ohi zuela, gazte nahiz zaharrekin, nahierara.

Ez dago esan beharrik izugarrikeria horiek guztiak inkisidore askoren buruan bakarrik zeudela, izan ere, deabrua beren begirada laburraren esparrutik ateratzen zen guztian ikusteko obsesioa zuten.

Jende gehienarentzat, Akerbeltz Lurraren sakonenean bizi zen jeinu bat zen, bai, eta ekaitzak ekartzeko gai bazen ere, abereentzako onuragarriak diren ezaugarriak ere bazituen, beraz, etxe askotan aker beltz bat hazi ohi zuten gainerako animaliak gaixotasunetatik libre eduki zitzan.

Aritza Bergara Alustizak idatzitako testua

Leave a Reply

Your email address will not be published. Required fields are marked *

Jaso Gure Buletina

GORLIZ EZAGUTU

AZKEN POST-AK

  • MITOLOGIA PERTSONAIAK ERAKUSKETA
    Euskal mitologia Euskal Herriko sinesmen eta kondaira tradizionalen multzoa da. Mitologia aberats horrek antzinatean du jatorria, eta euskal iruditeria kolektiboaren parte diren…
  • KOLESTEROLAREN IBILBIDEAK
    Gorlizen harro egoteko moduko zerbait badago, gure inguruko natura zoragarria da. Horregatik, kirolaz eta inguruan ditugun paisaiez gozatzeko ibilbide ugari ditugu. Badakigu…
  • Goi erdi-aroko arkeologia aztarnak
    2008.urtean aparkalekuaren birmoldaketa egin zenean, Bizkaia mailan oso interesgarriak diren goi erdi-aroko arkeologia aztarnak aurkitu ziren. Ikerketa arkeologikoak VII eta XVIII. mendeen…
  • Larraganenako Estela
    Gorlizko erdialdean dagoen Larraganena baserrian disko-formako hilarri bat aurkitu zen, gaur arte ezezaguna. Hilarria erdi lurperatuta zegoen jabetza horretako lorategian, eta bizilagunek…
  • 15. Haur ibilbidea: Gorlizen inguruko pasealeku bat familia osoarentzat edo zabuen ibilbidea
    15. Haur ibilbidea Pedro Pablo Uriartek argitaratutako ibilbidea: “15 ibilbide zirkular Gorlizetik haurrak dituzten familientzat” Ikusi ibilbidearen mapa Wikiloc-en IBILBIDEAREN FITXA: Iraupena:…