Badira urte batzuk Euskadi tradizio zahar eta errotuenetako bat berreskuratzen ari dela: Gau Baltza edo Arimen Gaua.
Gau honen jatorria zeltikoa omen da, eta badirudi Euskal Herrian ere antzinatik ospatu izan dela baina misteriotsuki XX.mendearen inguruan festa hau ospatzearen ohitura galdu zela. Zenbait idatziren esanetan, arimen eguna ailegatzen zenean umeek baratzetan aurkitzen zituzten barazkiak, hala nola kuiak, arbiak eta patatak, hustu eta aurpegi beldurgarriak mozten zizkieten gero piztutako kandela bat barnean sartzeko eta ondoren trapuekin janzten zituzten, beldurgarriak izan zitezen. Hauekin egiten zutenari buruz bi bertsio daude. Baten arabera umeek panpin antzeko hauekin beste ume eta nagusiak izutzen joaten ziren eta etxez etxe eskatzen zuten. Bestearen arabera, panpin horiek etxe zein bideen ertzetan uzten zituzten santu guztien egunean altzatzen ziren arima gaiztoak uxatzeko.
Dena dela, egun Halloween gauean egiten dena jai zeltiar horretatik aterata dagoela esan genezake.
Gorlizen aurten festa honen jatorrira nolabait itzultzea proposatzen dizuegu eta horretarako tradizionala den Gau Baltzean oinarritutako jolasak eta ekintzak antolatuko ditugu. Mozorrotutako jendea ere egongo da baina betiere tradizionaltazun kutxu hori mantentzeko ahalegina eskertuko da, ez baita Halloween jaia.
Horretarako Euskal Arimen Gauan erabilten diren arropez janzteko eta makillatzeko tailerra ere egongo da aktibitateen barne.
KLIKATU HEMEN 2025EKO GAU BALTZAREN PROGRAMA IKUSTEKO
Gau beldurgarri honetan zuen zain egongo gara.
