Ekitaldi honetan bisitariek, eskuz egindako zonaldeko garagardoak ezagutu eta probatzeko eta perretxikoa osagai nagusi bezala dituzten pintxoak dastatzeko aukera izango dute.
Egun horretarako ekintzak
Jaialdi hau udazkenaren hasieran ospatzen da, perretxiko-sasoiaren hasierarekin batera, eta perretxikoa da osagai nagusia. Eskualdeko inguruetatik perretxikoak biltzen dira eta ondoren mikologo aditu batek aleak sailkatzen ditu.
Beste alde batetik, pintxo lehiaketa dago. Asteburuan zehar, herriko ostalari batzuek perretxikoekin egindako pintxo bat aurkezten dute pintxo lehiaketan parte hartzeko. Gainera, argazki-lehiaketa bat ospatzen da perretxikoak gai nagusia izanik. Perretxikoekin erlazionatutako jarduera desberdinak ere egiten dira.
Pintxo zaporetsu hauekin batera, egun hauetan, artisau garagardoa egiten duten fabrikatzaile batzuk Gorlizera hurbiltzen dira, bere produktua ezagutzera emateko eta saltzeko. Garagardo artisau hauen artean Gorlizko bat dago eta jakinmina dutenentzat bere lantegian bisita gidatuak egiten ditu.
